Concours Spécifique
🏛️ المناظرة الخصوصية للمهندسين
📌 ما هو؟
المناظرة الخصوصية للدخول لمدارس المهندسين هي فرصة للطلبة المتخرّجين من الإجازة ولا سنة أولى ماجستير باش ينجموا يدخلوا للCycle Ingénieur: يعني يكمّلوا قرايتهم كمهندسين.
طلبة الإجازة ينجموا يترشّحوا لسنة أولى هندسة
طلبة الماجستير ينجموا يترشّحوا لسنة ثانية هندسة
أول خطوة تعملها؟
أدخل للجروب هذا، خاتر فيه تهبط المستجدّات الكل، وتنجم تسأل على راحتك وتلقى الرد إن شاء الله
مراحل الترشّح
تعمّر معطياتك على الموقع و ترفق الأوراق المطلوبة في ملف PDF (تسكاناهم ولا تصورهم بصيفة واضحة).
يتحسبلك سكور حسب ملفك و توصلك ميساج على الإيميل ولا التليفون إذا تم قبولك مبدئياً.
تهز نفس الأوراق ولكن نسخ "مطابقة للأصل" للبلدية وتوصل الملف لأحد المراكز اللي تحددهم الوزارة في البلاغ. الملف هذا يتم اعتماده لكل الاختيارات اللي قمت بيها، موش لازم دوسي لكل مؤسسة أو كلية.
توصلك رسالة ثانية تعلمك وين تقبلت و في شنوّا الاختصاص.
⚠️ مهم: الملف الورقي هو ملف واحد فقط، حتى كان عندك برشا اختيارات.
حساب السكور
- سكور A: يتم احتسابه أوتوماتيكياً من طرف الوزارة ويشمل: معدلاتك، الرتبة، الباك، الفرنسية، الإنجليزية، والعمر (أقل من 23 أو 24 يعطيك نقاط إضافية).
- سكور E: خاص ببعض المدارس، كل مدرسة تحدد طريقة الاحتساب والمواد المعنية.
باش تلقى أغلب الفورمولات متاع سكور E في الرابط هذا
- للترشح للسنة الأولى هندسة، لازم يكون السكور متاعك أكثر من 40 نقطة
- للترشح للسنة الثانية هندسة، لازم يكون السكور متاعك أكثر من 60 نقطة
- السكور يتحسب آليًا على المنصة وقت تعمّر المعطيات
أدوات لحساب السكور:
الوثائق المطلوبة
⚠️ ملاحظة : أوراق السنة الثانية تختلف عن السنة الأولى، تأكد من الوثائق في الموقع الرسمي قبل التقديم.
معلومة مهمة!
في الموقع https://csingenieur.inscription.tn: تلقى أداة اسمها"Vérifier les concours disponibles pour mon profil"تعطيك شنوما الشعب اللي تنجم تقدملهم حسب الاختصاص متاعك.
أنواع المناظرات
Concours Spécifique National
المناظرة هاذي تنظمها وزارة التعليم العالي ، و تشارك فيها الجامعات والمدارس اللي تقري Cycle Ingénieur (مدارس المهندسين). تنجم تترشح كان تكون متخرج إجازة أو قاري سنة أولى ماجستير، على حسب الاختصاص و طاقة الاستيعاب.
⬇️ الجامعات تتقسم لزوز أنواع:
- A: interne → كيف تكون تقرا في fac اللي تقري cycle وتحب تكمّل فيها
- B: externe → كيف تقرا في fac ما تقريش cycle وتحب تمشي لمدرسة أو جامعة أخرى
Concours Indépendants
هاذوما مناظرات تعملهم جامعات ومدارس على حسابها الخاص، ما عندهمش علاقة مباشرة بالConcours Spécifique. يفتحوا الكونكور متاعهم عادة في شهر أوت، و يطلبوا تقريبا نفس الأوراق. فمّا بعض المدارس تحسب حتى سنة ثالثة إجازة في السكور.
🎓 جامعات كيما:
INSAT, FST, FSB, INTEK, ISTMT, ISIMS, ISSAT Sousse...
ملحقات يختلفو من كلية لكلية، وها الرابط متاع Google Drive فيه أغلبهمملاحظة مهمة
تابع صفحات المدارس الرسمية لمعرفة مواعيد وبلاغات المناظرات. المدارس تنشر التفاصيل في صفحاتهم الرسمية على فيسبوك، تابعهم من توا.
مواعيد مهمة
متى تنشر البلاغات؟
- بين أواخر جويلية و بداية أوت
- تلقى فيهم: شروط الترشح، الأوراق المطلوبة، الاختصاصات، طاقة الاستيعاب
- النتائج تخرج عادة بين 20 و 31 أوت
نتائج العام اللي فات
تنجم تطلّع على نتائج العام اللي فات تاخو فكرة على السكورات اللي تقبلوا بيهم لكل شعبة ولكل مدرسة.
نتائج المناظرة الخصوصية 2024/2025
facebook.com
شوف نتائج 2024/2025
نتائج المناظرة الخصوصية 2023/2024
facebook.com
شوف نتائج 2023/2024
ملاحظات مهمّة قبل الترشّح
📝 الأوراق المطلوبة
تقريباً نفسها كل عام، معناها تنجم تبدأ من توا تحضّر وتسكانـي. إذا الديبلوم مزال ما حضرش، تنجم تبعث شهادة نجاح. لازم تعمل نسخ رقمية واضحة (PDF).
🎯 الاختيارات والدفع
عندك الحق في 10 اختيارات. كل اختيار يكلّف 30 دينار. تحقق إذا بطاقة متاعك مازالت تخدم وتنجم تصب بيها Carte e-dinar jeune. إذا ما تخدمش، امشي للبوستة وجدّدها، أو طلب بطاقة جديدة.
✍️ الدقة في المعلومات
وقت تعمّر المعطيات متاعك، رد بالك وقت تحط الأعداد والمعدلات. كل حاجة تكتبها باش تتقارن مع بطاقات الأعداد (Relevés de notes) اللي قدمتهم. إذا يصير أي غلط ولا تناقض بين اللي كتبتو والوثائق، تنجم تتقصى مباشرة من الترشّح.
⚠️ القبول الأولي
إذا جاك ميساج القبول الأولي (présélectionné)، هذا ما يعنيش إنك تقبلت رسميًا. مازال لازم تهز الملف الورقي وتستنى الرد النهائي. برشا ناس تقبلت في الأول وبعد ما تقبلتش في الأخير، عادي جدًا.